太陽乾 #7

雖然有功課要做，但這篇blog的draft實在放得太久，我沒法忍受，都係寫左去。

1. 塞車的浪漫

早陣子回港大還書，因為當日是public holiday，沒能逗留多久，而且功課開始忙碌，離開時也沒有多選要乘小巴還是巴士，總之有車黎就上。

而第一道車，竟是以前一定是last choice的103——路線長，兜來兜去，而且必經的銅記必然會塞車，另一必經的紅隨……如果沒有大塞車應該可以去買六合彩。所以以前除非下大雨，不然都不會想乘103，真係分分鐘可以2個鐘先返到屋企。

不過這一天，我雖然都想快些回家做功課，但當日其實沒有什麼約會，時間非常充裕，就上了103。

其實我很喜歡在有多餘時間時坐長途車，甚至不介意遇上塞車，因為在車上呆望外面的景色，是種很棒的治療，當是清空腦袋，放空思想。加上調到shuffle mode的iPod，咩都唔理，倒是種不錯的休息。

而且讓思緒不受控地伸延，有時可能有湧出一堆靈感也說不定。

豈只《銀魂》裡的江戶（即東京），塞車簡直是每一個大城市的必然名產，但好好利用，其實塞車都可以好浪漫。

2. 宅女魂回歸

（如果你睇唔明以下嘅嘢，係正常的，其實，你睇唔睇得明之前啲嘢？）

講起《銀魂》，之前同自己做笑彈治療而去睇一段冇睇過嘅長篇，好有效，因為之前冇睇，笑左餐飽，心情真係好左好多。

但過了火位，宅女模式竟然再次開動，之後一口氣追回年多前未看的集數，剛好趕上這部動畫第三次停播前最後幾集。

還讓我知道7月會有原創的劇場版，還說是真正的「完結篇」，下？！我啱啱先追返你就唔做？我仲好鐘意睇你架！

雖然故事貌似是之前一直說會播的前傳，但事實是漫畫原著還在連載，應該還有好一陣子才完結；動畫版再次停播，大抵是因為又追上了漫畫進度，要儲多啲先可以再播過，反正都唔係第一次。

總之我又做返宅女。唉……

3. 打打下又4點

我去瞓啦，係咁。