太陽乾 #9

冇正經事做，呢個系列係少料寫架啦。

1. 輕量壓力

最近有咩壓力，regular讀者應會由下面個post會估到，唔多講了。

有壓力，夜晚就易瞓得唔好，瞓得唔好就易發夢。

以前讀心理學學過，夢愈清晰就愈瞓得唔好。

最近一次最清晰嘅夢，幾乎係啲人成日講嘅lucid dream，即係你知自己係響夢境入面嗰啲。個時係舊年10月，都已經唔記得嗰時發生咩事咁大壓力，但夢嘅內容仲好清楚：我響某地方坐夜行巴士由唔知邊度去唔知邊度。後來，其中一站上來某人 - 竟是福山雅治。雖然福山叔一直都坐在響我後面，但唔知點解後來他坐左響我隔離。我地傾左好耐，最後我竟然伏在他肩上睡去，也就醒來了。

其實最恐怖嘅係，我清楚意識到成件事係夢，尤其響伏上福山肩膀之前，我還叫自己「唔好瞓，一瞓就返去架啦……」當然啦，下一刻當我睜開眼嗰時真係返回現實。

呢個夢，福山明顯只係我個腦好random咁gen出黎嘅一個投射，其實一醒返我堅驚：「又唔係inception，點解會發lucid dream？！」

提起呢個夢，係因為前晚又夢見呢個大叔，仲要加多過河村隆一………………

當然，可幸嘅係冇上次嘅清晰，甚至連場景都忘記埋，係記得自己好狼死攬住Ryuichi XD

至於點解會夢到佢地，我反而知道。福山係因為我而家睇緊《神探伽俐略2》，瞓前連煲，實有印象啦。Ryu嘛，呢幾日我都聽緊佢啲歌，原因好明顯。

壓力？一定有，不過咁計落，真係唔太多，適量吧。

2. 正經事 VS 興趣事

今天跟朋友說起那個Blog還有貪玩開的page，提到最近都沒有動力去update什麼的，明明積落唔少嘢想寫，但就係落唔到筆。

跟手我地就得出一個咁嘅結論，只要有正經事做，你先會想心思思想搞其他嘢，興趣事就係咁有好高嘅productivity。

所以我想像唔到自己會全職寫評，咪搞，我風格太隨心。

3. 呀，我冇嘢寫了……