麻甩女

Of course I mean 我自己。

呢排好努力要學好畫眼線，上mascara都冇左幾年嗰種就黎插到眼啦嘅感覺，似乎真係轉性。

由唔知幾時開始，我就好conscious一個事實: 化妝品 = 化學品 = 傷身 = 少用為妙。仲曾經誇下海口，開始學化妝嘅話，一係太陽由西邊升起，一係開始拍拖。

結果，我係俾一班屬於視覚系嘅麻甩佬影響，X JAPAN前年黎，我想化到行一行去，可惜冇時間練，唯有買件桃紅色嘅hoodie去應下景。之後L'Arc~en~Ciel都係。直到而家俾LUNA SEA迷住，終於有時間玩，因為嗰時放緊大假。

諗返轉頭，好多令我想改形象甚至變女人嘅figure，都係男士。

中學啲頭髮係跟木村托哉響GOOD LUCK!!入面嘅造型剪，雖然永遠只可以維持在新剪嗰日，係個髮型師先可以gel返木村個style。

大學唔使著校服，我好多時tune down rock友嘅look去裝身，格仔、頸巾、牛記、boots、music tee，以至銀(色)飾，都係。

出身，受X JAPAN影響，愛上一向最睇唔上眼嘅桃紅，就係已過世結他手hide頭髮嘅顏色，因此我尊稱隻色為hide pink。

妖王Gackt、Lostprophets主音Ian Watkins、愛左十年嘅堂本光一，都斷斷續續地影響我朝早gel頭要點gel，最新參考當然係LUNA SEA嘅RYUICHI (河村隆一)，學識咩叫做摷亂的髮型。

由X JAPAN團長YOSHIKI教主身上學識咩叫媚態，雖然做唔到。

眼妝，我選擇由RYUICHI最subtle嗰一款學起，因為暫時夠用有餘。

減肥，係因為見到LUNA SEA低音佬阿J嘅超flat tummy，一彎身彈bass就表露無遺，好令人羨慕嘅線條。4X歲仲fit到爆，但又唔會係12舊腹肌啲朋友，同RYUICHI嘅鬆弛危機一比，又真係好吸引。

想再次留長頭髮，係因為睇完雅-MIYAVI之後覺得佢 fing頭fing得好有美感同好__有型。

順帶一提，MIYAVI都係令我決心要減肥的一個flat tummy男黎。

仲有，我而家用緊嘅gel，其實係for男士用的。

雖然我都有羨慕嘅女性figure，比如香理奈、Anne Hathaway、Keira Knightly，但拎黎參考就比較少。

我係唔係女人黎架?