行動，就是証明

響CU讀Full time master，有樣嘢幾特別嘅就係一定好多PSP，即people speaking Putonghua，即係中國學生，尤其communication呢個division。就我Advertising而言，Full Time入面就只有本人係local，其餘40多人都係PSP，or say，Mainland同學。 

Well，好在大家都係nice people，會互相尊重，雖然我唔知佢地會點睇我呢個Local，但至少唔會一開口「中國比香港好」之類，嗰種我稱之為東鐵線之流嘅水貨客式態度，至少響我相熟嗰幾位身上，冇咩跡象，可能真係受過教育同冇嘅分別。相反，佢地好羨慕香港好多嘢，(好似好)多元文化、speech freedom、網絡自由......反而令我get到我地仲有我地作為一個過氣國際城市嘅優勢，響人地眼中，我地仲係好好.......諗深一層，上面再唔肯leave us alone，睇怕最後香港只會變得平平無奇，係另一個上海、北京，你地想利用我地都冇了。

Anyway，我想講嘅係，大部份人都值得尊重 - 講真佢地都係reasonable people，唔少同學都想留底打工，但好在，似乎冇咩定居意欲......long term speaking係好事，因為最後留低，都仲係我地一班true locals。

但講到想留底打工，最基本起碼學好多廣東話啦下化? 你唔係expect而家同得你共事嗰班人，個個都可以PTH超流利架下化?

有個同學，開sem之初已經識佢，暫且叫佢做A先生。初初我同佢係用英文溝通，因為佢英文真係算標青。兩、三個月之後，我開始可以用PTH同佢溝通，另一位廣州同學仲話我有進步 (YAY!) ，但與此同時，我有時一兩句嘅Cantonese，A先生依然一頭霧水......其實A先生開sem嗰時同我講有上CU開俾佢地嘅Cantonese intensive course。當時我諗，值得欣賞呀吖～係咪? 但直到而家，即使老師放慢黎講，而俗語都會繙譯，佢依然聽唔明8成；最慘係同時好多冇上course、但會睇TVB同聽本地電台嘅同學而家都聽得明晒所有咁濟，我開始愈發對佢有啲啲啲啲啲啲啲啲 - 反感。

唔只佢，有少量同學都係咁，甚至連聽英文歌都可以用「委曲求全」去形容，我唔知你講笑定認真，但如果係認真，Ok seriously this is not the place you can survive for long。 

好老實講，我唔係嗰啲generous到可以一路上堂一路同你繙譯老師講咩嘅人，你聽唔明廣東話，只能怪你黎左幾乎半年都冇心學好佢，我自己都要消化老師講咩，邊會得閒同你繙譯?! 而且繙得唔好，我都對自己張沙紙唔住。 

Honestly，去得其他地方讀書，仲希望要留一段時間打工，講唔到起碼都要聽到先，唔係你會好大鑊的。雖則而家好Q多公司都希望員工講到PTH，但同事之間嘅溝通鬼會因為你一個而轉channel? 而且creative嘅嘢，唔用返自己mother language去express係會又難左一重，咁係同時陷大家於不義，溝通不能，你知唔知後果可以有幾很嚴重架阿同學?! 

我唔知你心底裡點諗，但相對於你呢啲睇輕language barrier嘅人，我會將我嘅respect留俾啲野心大但會努力學好對方語言嘅對手囉。

你有心要去第二個地方發展，唔由language開始，個頭已經開錯左。 

嘴上說的漂亮，可是身體卻很誠實，就係呢種。

而呢啲，咪就係冇覚悟囉。