冇電視

成個facebook都直播緊十大，好多朋友都complain緊賽果，最緊要係為咩事有林峯TWINS之類唔係歌手嘅歌手入到應該好公平嘅十大，雖然都get到發生咩事但我都係有少少一頭霧水。

因為屋企係冇電視，我根本唔知十大現場搞緊咩。

個TV ste真係壞左好耐，但當時都有老豆部用電腦睇嘅電視，勉強仲收到之前收唔到嘅高清，但當老豆開住個電腦電視只係為左有聲 (平時都係得佢用到因為係佢嘅電腦)，而媽咪已經學識用iPad上MyTV搵嘢睇，屋企就正式進入冇電視睇嘅時代了。

對此，阿媽只係講左一句：「唏，而家冇得睇日劇添～」語氣可惜得黎又帶有無傷大雅之感。

講緊嘅，係星期日無記嘅深夜日劇時段，幾乎係全家唯一會真係用心睇嘅電視節目。係，我都只係煩呢個啫，又的確係無傷大雅。你可能會問，喂你讀廣告，點可以唔睇電視去睇廣告？其實要睇廣告，上YouTube都有，有人好有心開左channels將最新TVC放上去，而且有咩大廣告出街，Facebook一定有動靜，我根本唔需要睇電視。最重要係，我可以連外國嘅都睇埋，個scale大好多。

原來冇電視，真係清靜好多，只係追外國劇會比較辛苦少少，因為好睇有冇人upload上網。所以變左而家都係睇當季日劇，因為多字幕組會譯，英劇美劇又太多season，從來都只係時間問題，電視只係一個device令我可以睇英美劇啫。

(以前有電視，我們這一家都已經轉左去明珠台了)

而YouTube就咁成為左MyTube。

親身感受到電視可能死亡嘅說法。講真，比著兩、三年前，冇電視真係同世界未日冇咩分別：「下？我連新聞都冇得睇呀咁！」而家真係唔怕，MyTV有24小時新聞，Facebook又係會24小時報導，花邊嘢都有埋，多到唔想睇。

當曾經只有經過電視先可以得到嘅information都可以由internet得到嗰時，電視又何去何從？

但又可以咁睇，可能真係香港先咁怪，因為我地得兩家free tv stations，一家獨大，恃住整咩你都係要睇，produce埋啲垃圾出黎我地都冇得揀。係呀，真係冇得揀，因為另一家已經自暴自棄，一副唔想做咁款，成日make fun of himself，朵已臭到阿媽都唔認得，大家都寧可睇獨大嗰台。

當然，你可以話，有收費電視呀。但家陣物價高到想殺人，仲有閒情去睇要俾錢嘅電視咩？重點係，仲未係全民有訂channel嘛～～

電視已死，分分鐘只係我地呢個城市先有嘅現象。我唔了解其他地方，但見人地仲可以開咁多節目出黎，就知人地都似乎仲有睇電視嘅習慣。

發牌啦頂!