太陽乾 #2

1. 拜個年先 

蛇年快樂！！人人都收爐但我估呢度應該唔會，因為我都放緊假，一放假無所事事就會手痕想寫嘢……

總之，大家都萬事勝意，身體健康，世界和平！！

2. 發洩下先

不過係我敏感定咩，新年都仲可以有事令我想發洩下……一啲不滿。
下面篇太陽乾#1提到嗰位同學，行完年宵又有偉論，就是說賣的都是內地二線城市市集賣的（用PTH說）……年宵咋大佬，what do you expect？（扶額）

真係非一般嘅難服待，定係佢自我優越感太強？而家真係考慮緊unfollow……weibo有冇得unsubscribe架？

講起優越感，今晚餐飯totally印證到早幾年見過嘅一份心理報告：the richer you are，the less empathetic you will become。我都明白未必個個都係咁，但至少身邊有兩個真真實實嘅例子俾我研究。

但我都有我自己嘅優越感：我好proud of我自己啲另類口味架！（聲明：另類≠重口味！！）媽叫我唔好咁另類，但冇一份對另類嘅觸角，係做唔到廣告或相關的。

而且，另類令我睇到人地可能睇唔到嘅嘢，已經足夠滋養心靈。話時話，我都鐘意聽pop song架！

3. 花痴下先

聽LUNA SEA，最大得著其一一定係嗰位曲詞編監唱演皆精嘅主音，唔同情況下都可以響Ryuichi身上搵到啱嘅音樂，呢位誇界歌手真係萬中無一，由rock到pop到classical到musical，如果你知有同類嘅歌手，請一定要話我知，想多啲呢類聲進駐iPod。

另一個得著，係認識左呢位甚有韓式型男味嘅低音手J。原名小野瀨 潤（Onose Jun），1997年LS活動休止嗰時開始單飛，今年剛剛好15周年；style都偏美式grunge，滄桑感極重嘅聲線唱出黎嘅多數係熱血搖滾，雖然同屬樂與怒，但同LS嘅暗黑風相比可謂係一個完整嘅對立面。

可能有人已經估到，條友仔應該有4字頭，係呀，今年已經42。完全唔似吧？LS咁多個入面生得最young係佢，有model一般嘅骨架，加上啲陽光笑容，真係好難抗拒（例）。「咦喂你唔係鐘情妖冶系嘅咩？」其實我對呢類大哥型係更冇抵抗力的，兄控呀。

最抵死嘅係，以前寫過一篇小說，入面有個男配就正正係呢type，爽朗，有大哥哥風範，仲好鐘意笑。篇小說嘅多位男角入面，我個人係最滿意嘅，就係佢。

咁有緣之下，J哥嘅地位好難唔愈來愈高。XDXD