太陽乾 #13

1. 又花癡

係，最近有個名字終於officially將Johnny Depp過去十年響我心目中嘅第一男神地位拉落黎，佢就係英國出品嘅Tom Hiddleston。老實講，雖然係睇Loki識佢，但我可以好proud咁講我早響《Midnight in Paris》已經見過佢，不過當時佢個角色只有好少戲，除左個蠟到貼嘅髮型其實我唔太有印象，但一講我都仲可以講得出係嗰位俾佢個情緒化太太玩到識嘅癡情作家。

剛剛見到呢個9Gag post，老實講，係流料多，但成件事令我再問多一次一個我concern左好耐嘅問題：Tom Hiddleston到底有幾高？

當然，係有得deduct的。根據《Thor》導演所講，飾演哥哥Thor嘅Chris Hemsworth至少有6呎3，而戲內冇著有踭鞋嘅Hiddles，起碼都同Chris平排，咁講，Hiddles至少有6呎3。

西方人6呎3屬比正常高，但都係正常，之不過，之前曾見過有啲相，Hiddles疑似係高過Chris的……即至少6呎4，甚至5……

救命，你到底有幾高呀朋友？呀不過，肯定係我一行去佢後面就完全消失嗰種高度囉…………

2. 返新工

舊同事變新同事，嗰種感覺好好玩，只係怕有人覺得我識太多高層，做唔到嘢。

而且公司大左，就開始多煩嘢：有好多聯宜活動……呀，我諗起響華生婚禮上不知所措嘅Sherlock，雖然我唔係high functioning，但我的確係有啲sociopath嘅傾向，太多人我會唔自在。睇黎要盡快俾人知我慢熱，唔係

不過最可怕嘅都係要正裝返工，heels真係一樣害人不淺嘅發明！

唔好搞到我著唔慣平底鞋就好

2013，好行夾唔送

剛看到這篇名為「讓獵鷹振翅高飛 讓孩子尋回夢想」的文章，不禁回頭想自己過往接受的教育，其實我也不知不覺地以入大學為人生目標，因為大學畢業以後就失去方向，原來都是有跡可尋的。

可幸的是，大學的主修第一課就叫我們unlearn everything you've learned，我至少不是一整個倒模產物。

不過我對文章中那個獵鷹的故事更有感受：

「某人在鷹巢抓到了一隻幼小的獵鷹，並把牠帶回家，養在雞籠裏。獵鷹和雞羣一起長大，一直以為自己與雞是同類。獵鷹慢慢長大，羽翼逐漸豐滿，主人打算把牠訓練成優秀的獵鷹。然而，由於終日與雞羣為伍，獵鷹已經變得和雞一樣，完全沒有飛翔的能力。主人嘗試了多個辦法，但仍不見效……

……最後，主人把獵鷹帶到山頂，隨手一扔，獵鷹便像石頭似的直掉下山，慌亂之中牠拼命撲打翅膀，就這樣，牠終於飛了起來。」

故事結局，獵鷹在生死一線時終於喚醒了本能，展翅飛翔，「至諸死地而後生」或許就是這個意思。

回顧2013，不好的多於好，幾乎可說是衰無可衰——師奶電視劇裡那些鬥爭，竟活生生的發生在我身上，不只見識到最血淋淋的人性醜陋，更幾乎令我對人類這生物徹底失去信任；既然親生兄弟都可以背叛你，還有什麼人不可以？所以，朋友們，假如有一天我表現得異常skeptical，我在此先向你們說對不起，同時請狠狠摑過來，將我扯回人生的光明面，我可不想變成Darth Vadar呀。雖然佢好勁XD

這件事影響之大，幾乎完全撼動我的人生計劃，無盡的不安無情襲來，加上社會大環境愈來愈差，心理上我已經沒有comfort zone可言。但是呢，this is the worst of time，this is the best of time，我現在就像《進擊的巨人》裡的調查兵團一樣，出了城牆，I am forced to be on my own when facing the monsters，但同時都會變得強大，因為不戰鬥，我就輸定了。

原來comfort zone即使被剝奪，也不會沒有得著，相反，就是因為那一班妖孽露出原形，打破了的城牆，我才有機會進化。

至少，我還是活得光明磊落，心安理得。

Sorry for 1999啦XD

你這他媽的2013終於完結了！好行夾唔送了，我已經等不及2014的到來！！！！！

THINK

最近突然無端端又睇返好多UK嘢，比方說BBC版《SHERLOCK》，好睇到吖，BC型到吖，明明一啲都唔靚仔但佢演繹嘅一代名偵探就真係charm到冇朋友，in turns都令BC本人魅力盡顯。

今次唔係想花癡，但反而想講下套劇，因為《SHERLOCK》係出奇地令人上火，睇住Sherlock忟姜，其實都會忟埋一份，尤其佢為身邊嘅人唔肯同唔會用腦而火呢一點。

事實上，「Why can't people just think？」並唔係Sherlock講，反而係第一集嗰位兇手同Sherlock對峙時講嘅：

Sherlock面對過嘅對手，個個都係精英，呢位大叔響故事入面都係一個聰明人，至少佢有同Sherlock追逐嘅能耐，都應該係一個「proper genius」，而一個聰明人嘅最大煩惱，其實就係要日日面對一堆相對自己遲鈍，甚至係唔肯用腦諗嘢嘅人。因為個腦比人轉得快，佢地總係先人一步，但周圍有幾多人可以明白，或願意明白？正如Sherlock同呢位兇手，對佢地黎講呢個世界係沈悶而令人氣憤嘅，因為樣樣嘢都比人諗得快，明得快，估得快，但同人講，啲人又唔明，唔忟就奇。

有說多數人類其實只係用到一個well function嘅腦嘅10%，仲有90%用唔到，即係根本未完全用盡一個腦可以發揮嘅效能！即係我地都有機會好似Sherlock咁醒。Sherlock的確係比其他人轉數快，但如果你有留意，佢細心觀察，唔會放過任何一個細節先係佢咁勁嘅原因，因為他會將一般人唔留意嘅事上心。當然佢對forensic science嘅認識都有好大幫助，但你又知唔知Sherlock其實唔知solar system係咩，對literature亦冇深入認識？唔係劇組自己加，原著入面嘅Sherlock都唔係全知。佢只係比人細心，咁解。

But you need not to be Sherlock to feel his pain. 思考，即係腦下個腦，嚴格黎講唔係人人都會做到，至少你不得不承認，名叫「普遍」嘅common sense，都唔難見到不時有人會悼念佢嘅死。（笑）留意下，會有common sense同埋肯/會practice common sense嘅人........其實都難求：每group一定有嘅唔做嘢組mate、每一個office一定有嘅八婆、每一個家庭都一定有嘅三姑六婆，至嗰一個發多個牌都會死嘅政府，你總會有一個moment想好大聲叫啲人用下個腦。Common sense is not common，我真係想知呢個term點com up 出黎？或者真係係曾經有過common sense is common嘅年代？

講真，why can't people just think？

太陽乾 #12

1. What doesn't kill you simply makes you stronger

經過上次「好脆」講嘅事，試過panic attack，試過胡思亂想，件事過左但又有後遺要處理，就開始明白呢句說話嘅真正意思。

我知冇人會明個梗，但我都想講，我而家就好似一隻終於肯去吸血嘅吸血鬼，試下踏出comfort zone，take authority，take the huge burden and responsibility that are destined to be mine，去獨當一面。闖下一啲唔知得唔得嘅領域，take a high stake，我只係想重新塑造我自己，發揮更大嘅可能。

最緊要係話到俾人聽，我辨事，唔該你同我放心，唔放心即係唔俾面同睇少我！

2. You won't know how strong you are until being strong is the only choice left

生物學常識，唔多講。好多嘢都係迫到黎，係唔好受，但我期待進化之後嘅自己。

3. 要成熟，但唔好成長

總之變得幾大人都好，唔可以俾靈魂枯老。

唔係嘅話，個人會愈來愈唔得人鐘意，keep住定時定候去kai下低能下係有益身心。

好脆

而家先發現原來我係咁脆，可以為左啲未確定嘅事情擔心到咩都要停晒，文譯唔到，blog寫唔到，page update唔到，咩都停晒!!!

係呀，件事係未知結果，嗰種uncertainty原來可以咁大壓力。

睇黎，我得要重新估計一下自己嘅能耐。

太陽乾 #11

1. 繙譯的血液

最近以飛欄史身份沾手一個季刊的production，作為文字人我再次重操繙譯之故業，譯嘅係我知啲更唔知多嘅賽馬，加埋breeding，即係育馬。又係一路做嘢一路學嘢嘅時間。賽馬這回事，唔係大家想像中只有賭咁簡單。

成日話自己文字中毒，鐘意同文字打交道，除左因為係個天生嘅introvert死宅女，可能係因為中學至大學都半推半就之下，將自己處於一個玩字多過玩人嘅環境。老實講，埋首讀繙譯嗰兩年，而家睇返我都覺自己上手得太快。

剛交上去嗰兩篇文，雖然係響一個未完全warm up嘅狀態下完成，加上題材唔多熟，一下子有咁多information推埋黎，真係會應付唔黎，但我好興奮，對住份文，不自覺又開始變得完美主義，當然責任都係一個因素啦，but every thing is done automatically，繙譯的血液終於再次流動。

係時候要學多幾種語言了。

2. 賽馬之奧妙

其實呢件事一啲都唔簡單，我係知左好耐。好耐之前同朋友一齊因為迷上一個好靚仔嘅法國騎師而開始「學術地」睇馬，嗰時就知單係要成為一個騎師，所花嘅努力同精神一啲都唔細，話騎術係運動，其實冇錯。

而家因為「工作」關係而知更多，就真係想講，如果以唔落注賭嘅心態去睇，馬主、育馬人、練馬師、騎師，對育成一隻長勝嘅冠軍馬都好重要，心血、技術、策略，缺一不可。詳情可以去睇2003年套《Seabiscuit》（壯志奔騰），真人真馬真事改編，你會知係咩一回事。

所以如果你身邊有人話想做騎師，唔好笑，騎師係一份值得鼓勵而且堅有前途嘅工黎。

3. 為了完美

講開唔簡單，其實世上大部份事情，一旦你決定要以最完美狀態去完成，就已經唔會係簡單。

下面兩篇文大家可以得知，我睇《Hellsing》睇到上晒腦，最近我連英文配音版都睇埋，意外地鐘意，可能因為故事係以英國、意大利、德國呢埋西方國家為背景，劇中美英意法德口音齊晒，仲有羅馬尼亞口音，feel正到冇朋友，not to mention 唔少對白譯得好poetic（背景小花全開）！！等佢出齊可能會一次過買晒blu ray返黎收藏，因為英文版都會有埋日文原聲，一石二鳥。

因為咁，最近係枕住聽入面聲演男主角Alucard嘅Crispin Freeman嘅入肉演出，雖然佢係將把聲壓到最底黎配，但都係一把epic voice，事實上佢本人平時把聲都好好聽！最近聽左佢出當地一個動漫event嘅panel talk，就係講Hellsing。Jesus Christ，唔聽由自可，一聽發現佢原來可以揣摩一個角色都咁盡：對mythology甚有興趣嘅佢，甚至樂於解讀埋Alucard棺木上嗰句詩同個角色嘅關係，再引申到Bram Stoker原本嘅Dracula，更輕鬆談到吸血文學對挑戰sexuality嘅作用為何……Gosh， was I having a mini lecture of Comp Lit or something？唔好講佢對其他資料研究得有幾深先，淨係佢可以好完美咁解釋男主嘅行動動機，足見佢有幾鐘意呢個角色，同有幾敬業。對住佢呢種人，我只可以寫個「服」字，同埋繼續尋找可以俾我投入至此嘅路向同方法。

為左完美，你會去到幾盡？

當一隻vampire

講真，以前好proud of自己係一隻夜鬼，因為瞓少少就夠，但事實係原來一路都係錯覺，我唔係一個可以捱更抵夜嘅人，而且人愈大愈似植物，有光合作用個腦先會轉得快啲。

而且老套啲講句，捱夜part of it咪又係你自己/會連累你嘅人俾procracina神上身，總之一定係有人拖（而嗰個人可能係你），先搞到咩都拖。所我自己低線好明確，我自己嘅事，拖極都唔可以要拖埋人地落水。

承接上次講吸血鬼，突然諗到其實做吸血鬼真係有N多好處，例如唔駛點瞓、唔駛點食、唔會點病、一定有超能力，同個腦包轉得快，係衰在唔見得陽光同太長命。

唔緊要，唔想做嗰時咪叫人一嘢插支木椿落心臟度囉XD

突然咁諗，係再次醒覺因為太多嘢想做，但又唔知係唔係行啱左條路，好怕到最後回首一望只係得一句：「妖，原來我一直都係嘥很晒啲時間。」

破綻

每一個故事，無論幾精密都總有位可以俾人入，不論係真嘅破綻，還是一個俾人惡搞嘅位都好，even Lord of The Rings都俾人話過，晨早用啲巨鷹飛去Mount Doom掟隻戒指落去咪唔使咁辛苦囉。

最近一口氣衝左套好變態血到冇朋友嘅漫畫，叫《Hellsing》，就係延續左Bram Stoker 《Dracula》嘅故事。《Hellsing》嗰位永遠長髮披面嘅男主Alucard（仲要時長時短，喂你改變形象都唔該有個限度呀我知長髮飄飄係好有型），其實就係Abraham Van Helsing百多年前收服嘅Dracula（個名係玄機），一直被收響Helsing家族地下室（故事為Hellsing，已經發展成英國皇室指定嘅秘密機關，專殺黑暗生物），只有家族嘅正式繼承人先可以指揮佢。而故事，就係由當年Hellsing只有十多歲嘅女繼承人Integral Hellsing被追殺至地下室，喚醒左已化為腐屍嘅Alucard開始。（吸返血就靚仔返，唔係冇戲做，不過吸血鬼，正常）

《Hellsing》as一個以vampire為題材嘅漫畫黎講係堅好睇，因為係行哥德風格，算傳統架啦，加上因為最近啲吸血故事係恐怖不足同時浪漫太多，雖然血到叫媽媽，夜媽媽睇好寒但又好有feel，而且值得一讚係原來個作者係畫開色情漫畫，但《Hellsing》除左本身有個女角設定係大胸之外，黃色成份非常少，至少唔會因為Seras係著mini skirt就要佢成日走光先啦。

但，噒完個故事，發現有個好大嘅問題：

一向講「收服吸血鬼」乜唔係等於「殺左佢」咩？Bram Stoker筆下嘅Dracula我記得係灰飛煙滅架喎！點會仲留住佢響地下室架？

sor，係我認真左。

In anyway我都係推薦的，只係如果你好怕血，就只係睇漫畫比較好，OVA動畫版全彩仲要畫得超細緻……你諗你，我一集都要分幾次睇，而家一集都未睇晒。（其實係搵唔到sources啫）

The Song for Introverts

"Stop the madness of constant group work"

This gotta be one of the most inspiring speeches for me. 

I can honestly say that I am an introvert as I totally enjoy being alone far much more than being in a big group. Constant group work frustrates me, especially when you have group mates who are just bull shit and can do nothing but just giving empty talks, not to mention those talkative people who would mistake your introversion as shyness and gutless.

Thinking and contemplating - the must-go process of originating great ideas are meant to be undergone ALONE. I am not saying that brainstorming and discussion are not necessary, however the right amount of silence and quite is also essential because not all kinds of stimuli are helpful for coming up great ideas. Give a little space for introverts can facilitate. 

Introverts are not losers, people. 

公開的遺書

放心，進擊之巨人一日仲連載、日本一日未陸沈我都唔會死住。

最近在求職，過程中，經歷左「鐘意嘅唔理我，唔鐘意嘅就好順利」呢啲咁離奇嘅事件，緊張剌激過陷入三角苦戀。

由於最愛嘅一位如意郎君已經捨我而去，我唯有另尋歸宿。

只可惜，睇緊佢都好cool，禮禮貌貌傳統示愛佢似乎唔受。

而為左搶到呢個歸宿，我決定「孤注一擲」，呢個post，將為呢個小小嘅作戰做個remark。

好了，請你給我乖乖的亮出後頸，好不好？

（腦袋秀逗了，唔使擔心，進入抖S mode係我自我治療方法XD）

太陽乾 #10

深夜，總係做咩諗嘢。

1. 違和感

違和感，日文漢字，如字面解就係「有違和諧的感覺」，更準確即係「不自然」，多用來形象一啲看上去唔多自然嘅畫面，但又會出奇地有喜劇效果，睇得動漫多你自己會明。

廣東話有一個更入肉但唔太科學嘅講法：「唔聚財」，拎黎形容直覺我覺得好好用。

咁多位老師！！！

係，我只係想吶喊呢句。

總之，多謝。

覺悟

有時真係覺得，去盡少少，又如何？

反正成功機會唔大，我就晒你冷，好好醜醜都係一次，得就得，唔得就唔得。樣衰左最多都係俾人笑，重點係我唔會知，嚴格黎講傷唔到我。

最重要係，我已經有咁嘅覺悟，係必死嘅覺悟。

其實可能我根本就係期望緊反效果，我認我係狡猾，但咁又點？好過我次次都規行矩步，好似朋友話，唔冒險先係最冒險。

X，我唔理了，衝左先講，既然冇野係我控制到，我仲驚咩？一個唔該KO埋仲賺得多。

太陽乾 #9

冇正經事做，呢個系列係少料寫架啦。

1. 輕量壓力

最近有咩壓力，regular讀者應會由下面個post會估到，唔多講了。

有壓力，夜晚就易瞓得唔好，瞓得唔好就易發夢。

以前讀心理學學過，夢愈清晰就愈瞓得唔好。

再一次當Freshman

啊，久違了。

最近是什麼的狀態，認識我的人都知道，不詳說了，只能說是處於交叉點上，正在找一條可以達到目標的直路。

但找直路，談何容易？

靈感呢家嘢

人家真係好想響去旅行之前KO左CNBLUE篇live report。

打左超過一半架啦，而家先黎落唔到筆冇靈感，咩料呀！！

話說睇完嗰晚已經即刻開工，因為隊band唔多熟好難延續我情感泛濫嘅風格，但本格評論又未係（而且永遠唔會係）……其實腹稿一直都有，係整理嗰方面難左少少。

搞到棄稿又唔係太好。

好啦，聽晚上機啦，下下個星期先返黎，又唔會帶電腦，唔使旨意會寫啦，而家都冇靈感，返黎仲會有咩？

希望今晚有少少時間可以衝埋佢。

Essay寫完，三天的成功

學生生涯真正最後一份essay，好似一個循環咁又係同J ROCK有關。上次主打X JAPAN今次就講LUNA SEA，寫到停唔到，又多圖，老師要求1.5行距同20頁內，我唯有將margin開到盡。

可惜寫得太興奮，有個細位唔記得clarify，希望老師唔察覺，不過就算知道，星期一會見board，同佢解釋應該冇問題，係可惜唔可以ride on漏寫左嘅嘢develop一個可以好support成篇文嘅小theory。

靈光一閃好興奮

睇完blur，雖然好似朋友話根本未chill out，但都要收拾心情趕嗰篇以J ROCK為題嘅論文。

雖然都係講演唱會，但blur啲鬼佬casual風同日show啲咩都執得整整齊齊好難拉埋一齊講。

不過返黎噒左一輪readings，加埋一場新鮮嘅拉闊，我終於突破左個瓶頸，仲要係響交論文嘅三日前！我終於可以開行個turbo啦。

仲諗埋結論要點寫：

The ritualisticity of live performance is, as discussed above, initiated by its unique aura which is initiated by the authentic nature of such a performance and the delicate interaction between the performers and the audience.

結言預定，寫完連自己都覺得好鬼型。我果然係註定要用筆嘅人黎呀哈哈哈哈哈哈哈哈哈哈。

終於可以去休息下。瞓Lu～～

好啦下

「一切都是微博惹的禍。」

某次跟朋友再次投訴「微電影」一詞真是非常剌耳時，她很悠然地回應。

先不理這其實是中國普通的病態中文，總比動輒都「性度化」的已經好，而且比正稱「電影短片」少一個字，感覺又有點「文藝」，我算你有啲貢獻。

（即我而家先知佢地有樣嘢叫「美譽度」……我到而家都理解唔到咩叫「美譽度不足」，你係想講「名譽不夠好」下化？）

但不要把這個只出現在中文語境內而人家英文老早就有對應的名詞亂譯成他媽的「micro film」好不好？！你跟一個洋人說「we strongly suggest that this project should start with a micro film competition」會嚇死人的，因為「micro film」一詞，其實是指……

婚宴這回事

早前去完飲。

老實講如果係唔使做人情唔使特登裝身唔使睇啲唔用腦嘅creative人整啲成長片段同唔使聽啲亂寫稿搞凍gag嘅MC講嘢，我係好樂意去祝福新人，結婚generally都係值得高興的。

出年有大同兼老死結婚，仲會去做人姊妹。可能佢都係comp lit出身，有著不同於常人嘅critical thinking，佢就講明唔要而家啲用到爛晒嘅嘢，甚至已經搵一位同系嘅師姐拍片，之前仲講笑不如說拍條fake-cumentary出黎諷刺而家啲人搞婚宴係做show多過真心同親友慶祝。

如果黎真可能得我地comp lit嗰圍先笑得出，唔知人地啲三姑六婆會點講。

其實，婚宴係由幾時開始變成一場show？一係對新人想show，一係新人嘅家人想show，一係人地想睇你show所以你要show因為唔show就俾人講一世……